На потрошувачите во ЕУ ќе мора да им биде овозможено сами да ги менуваат батериите на уредите како што се мобилните телефони и лаптопите, во рамките на новите правила договорени од Европскиот парламент во петокот.
Од Европскиот парламент наведуваат дека ќе бидат потребни три и пол години за да правилата за замена на батериите почнат да се применуваат од денот на стапување во сила на новиот закон.
„Иземени се само уредите кои воглавно се користат во влажни опкружувања“, извести пратеникот на Зелените во Европскиот парламент Малте Гали.
Исто така, од договорот се исклучени уредите кои би можеле да претставуваат безбедносни проблеми за време на замена на батериите и професионалните медицински уреди.
Еврокомесарот за индустрија Тиери Бретон нагласи дека батериите се од централна важност за електромобилност, предвидувајќи дека побарувачката ќе се зголеми за повеќе од десет пати до 2030 година.
Новите правила исто така вклучуваат минимални цевки на собирање за различни видови батерии. Освен тоа, минималните количини на обновен кобалт, олово, литиум и никел од производствениот и потрошувачкиот отпад ќе мора повторно да се користат во нови батерии.
