ЕУ вчеравечер објави дека за прв пат одобрила финансирање за заеднички набавки за одбрана.
„Европската комисија одобри финансирање за пет прекугранични проекти за поддршка на покоординирани и поефикасни одбранбени набавки меѓу земјите-членки на ЕУ. Имплементирани во рамките на Зајакнувањето на европската одбранбена индустрија преку заеднички инструмент за набавки, секој од 5-те избрани проекти ќе добие 60 милиони евра (63,34 милиони американски долари), што претставува вкупен износ од 300 милиони евра“, се вели во соопштението од ЕУ.
Овој потег треба да овозможи подобрена интероперабилност меѓу вооружените сили на земјите-членки и да ја поддржи европската одбранбена индустрија преку поголеми договори, според Комисијата.
„Сè на сè, заедничката набавка ќе ја зајакне одбранбената подготвеност во земјите-членки на ЕУ“, се вели во соопштението.
Според овој потег, со финансиска поддршка ќе бидат обезбедени два проекта за набавка на системи за противвоздушна и ракетна одбрана, два проекти за набавка на артилериска муниција и еден проект за набавка на модерни оклопни возила.
