Турскиот министер за надворешни работи Хакан Фидан во неделата му рече на својот ирански колега Хосеин Амир-Абдолахиан дека Туркије не сака понатамошна ескалација во регионот по одмаздата на Техеран против Израел.
Според информациите добиени од дипломатски извори, шефот на иранската дипломатија во телефонски разговор рекол дека одмаздничката операција против Израел е завршена и дека Иран нема да започне нова операција доколку не биде нападнат.
Амир-Абдолахиан понатаму изјави дека доколку Иран повторно биде нападнат, овојпат ќе даде „посилен одговор“.
Иран лансираше низа беспилотни летала и проектили кон Израел доцна во саботата како одговор на нападот на иранскиот конзулат во Дамаск на 1 април.
Нападот, во кој загинаа седум ирански воени функционери, вклучително и висок командант на иранската Револуционерна гарда (ИРГЦ), наиде на остри реакции кај иранските владини претставници, кои ветија „решителен одговор“.
Според некои непотврдени извештаи, ИРГЦ истрелала повеќе од 300 беспилотни летала и проектили во нападот што траел неколку часа, од кои многу биле пресретнати од израелските системи за воздушна одбрана.
14 апр 2024
Фидан: Туркије не сака понатамошна ескалација во регионот
Министерот за наадворешни работи на Иран вели дека одмаздничката операција против Израел е завршена, Иран нема да започне нова операција доколку не биде нападнат.
AA
Поврзани новости
Написи во тренд во оваа категорија
Голгота на децата со ампутации без потребната медицинска нега во Газа
Повеќе од 5.000 деца во Газа кои во израелската агресија од октомври лани изгубиле екстремитети се соочуваат со извонредни компликации додека заздравуваат нивните ампутации, вклучувајќи инфекции, повреди од шрапнели и постојана болка
Ердоган: Туркије ќе инвестира 30 милијарди долари во висока технологија
Говорејќи на церемонијата на откривање на Програмата за поттикнување на високата технологија (ХИТ-30) во Истанбул, турскиот претседател рече дека земјата има цел да стане регионален производствен центар за производство на батерии
Што друго би сакале да знаете?
Популарни