Франција во четвртокот ја бранеше контроверзната објава на социјалните мрежи за Ерменија, која премолчено ги поддржува територијалните амбиции на ултра-националистичките Ерменци.
Објавата во вторникот на платформата X, порано позната како Твитер, од страна на министерката за надворешни работи Кетрин Колона, за време на нејзината посета на Ерменија оваа недела, покажа фотографија од планината Агра, локалитет која е добро познато дека и припаѓа на источна Туркије, но некои Ерменци сè уште го сметаат локалитетот за дел од својата земја.
На прес-конференцијата на Министерството за надворешни работи во Париз, портпаролката беше прашана дали Франција верува дека планината и припаѓа на Ерменија - дали Колона е „погрешно информирана“ за ова прашање - и дали таа не знаела дека таквата објава ќе вознемири многу Турци. „Планината Агри е симболична сцена кога се гледа од Ерменија бидејќи е блиску до границата“, рече гласноговорничката Ана-Клер Лежандре во одговорот.
Фотографијата е објавена по повод посетата на Колона на Ерменија, рече таа и додаде дека Ерменија нема територијални амбиции, а на Франција тоа и е јасно.
Туркије со критики кон француското МНР
Сердар Килич, специјален претставник на Туркије за дијалог со Ерменија, нагласи дека планината е во турските граници.
„Господине министре, таа планина на сликата е планината Агри, која се наоѓа во границите на Туркије и со самото тоа е составен дел на Туркије“, рече Килич.
„Затоа, се плашам дека или имате многу збунета цел на својата посета или многу Ви е потребно основно географско образование.“ Туркије и Ерменија долго време имаат затегнати односи, иако меѓусебното назначување на специјални пратеници во декември 2021 година беше чекор за подобрување на односите. Границата помеѓу Република Туркије и Ерменија е воспоставена со договорот од Карс пред повеќе од 100 години, поточно во 1921 година.
