Американски федерален судија му нареди на милијардерот Илон Маск повторно да сведочи во истрагата за неговото преземање на фирмата за социјални медиуми Твитер, сега позната како Х, за 44 милијарди долари.
Судијата Лорел Билер во Окружниот суд на САД во Северната област на Калифорнија наредбата ја издала во саботата вечерта.
Последната наредба следи по пробната одлука што ја донесе во декември 2023 година, кога рече дека Маск мора да сведочи во истрагата на американската Комисија за хартии од вредност (СЕК).
СЕК го тужеше Маск минатиот октомври во обид да го принуди да сведочи за неговото купување на Твитер. Од СЕК тврдат дека милијардерот не се појавил на судењето на 15 септември и поради тоа истрагата била одложена.
Регулаторот, исто така, истакна дека неговите службеници се обиделе да договорат време и место за средба со Маск во октомври и ноември.
Истрагата има за цел да открие дали купувањето на социјалната мрежа од 44 милијарди долари прекршило некој федерален закон.
