Извозот на Туркије во Саудиска Арабија надмина 1,2 милијарди долари во периодот јануари-јули 2023 година.
Со нормализацијата на односите со Саудиска Арабија, трговските активности меѓу двете земји продолжуваат да се подобруваат.
За време на посетата на турскиот претседател Реџеп Таип Ердоган на Саудиска Арабија минатиот месец беа потпишани пет нови меморандуми за разбирање меѓу делегациите на Туркије и Саудиска Арабија.
За време на посетата беа потпишани договори во областа на одбраната, истражување и развој, енергетика, медиуми и директни инвестиции.
Турскиот производител на беспилотни летала Бајкар, исто така, потпиша договор за извоз со Саудиска Арабија за беспилотно борбено летало Акинџи.
Според информациите до кои дојде Анадолу од податоците на Советот на турските извозници (ТИМ), извозот на Туркије е намален за 0,5 отсто во првите седум месеци од годината во споредба со истиот период лани, односно е намален на 143,4 милијарди долари.
Во меѓувреме, извозот на Туркије во Саудиска Арабија се зголеми за 630 отсто, односно на 1,25 милијарди долари.
Највисок извоз во Саудиска Арабија оствари секторот за теписи со 173,08 милиони долари.
По овој сектор следуваат секторот за хемикалии и хемиски производи со 129,09 милиони долари, жита, мешунки, маслени семиња и производи со 124,6 милиони долари, машини и делови со 98,1 милиони долари, готова облека и конфекција со 95 милиони долари.
