Американскиот милијардер Илон Маск денеска изјави дека Украинците го „презираат“ украинскиот претседател Володимир Зеленски, додавајќи дека тој „се храни со труповите на сопствениот народ“.
Во објава на платформата Х, Маск го предизвика Зеленски да одржи избори и да ги побие овие тврдења.
Претходно и американскиот претседател Доналд Трамп изјави дека Зеленски е диктатор, кој има само 4 отсто поддршка, која ја образложи со прашање „зошто би гласале за него кога три години ја уништува Украина“.
Милијардерот и шеф на американското Министерство за владина ефикасност (ДОГЕ) додаде дека Зеленски е „одвратна уценувачка машина која се храни со трупови на украински војници“.
Маск оцени и дека американскиот претседател Доналд Трамп е „во право што го игнорира и бара мирно решение за Украина без него“.
Украина е во воена состојба од почетокот на рускиот напад во февруари 2022 година, а претседателските избори закажани за пролет 2024 година не можат да се одржат додека воената состојба е во тек, како што налага украинскиот закон.
