Маж на возраст од 35 години е уапсен откако вперил пиштол кон потпретседателката на Аргентина и поранешен претседател Кристина Фернандез де Киршнер доцна во четвртокот, според видеото од местото на настанот емитувано на локалната телевизија.
На снимката се гледа како Фернандез влегува во нејзиниот дом во Буенос Аирес додека ги поздравува приврзаниците. Потоа може да се види како маж и впери пиштол во лицето. Штом Фернандез го виде пиштолот, се спушти на земја.
На видеото, се чини дека мажот го вперил пиштолот и се обидел да пука само неколку сантиметри од нејзината глава, но пиштолот не успеал да пукне, правејќи звук на „кликнување“. Локалните медиуми соопштија дека таа е неповредена и сега е дома.
Претставници на аргентинската влада веќе зборуваат за обидот за атентат.
Локалните медиуми објавија дека напаѓачот е 35-годишен Бразилец со досие за нелегално поседување оружје.
Во изминатата недела, стотици луѓе се собраа во куќата на Киршнер во знак на поддршка, бидејќи таа беше обвинета од федералниот обвинител Диего Лучиани за измама при доделување договори за јавна работа за време на нејзините два мандати како претседател помеѓу 2007 и 2015 година.
Некои од лидерите во регионот, меѓу кои и венецуелскиот претседател Николас Мадуро и боливискиот претседател Луис Арсе, изразија поддршка на потпретседателката.
