Најмалку 10 лица загинаа, а 35 се повредени во руски напад врз супермаркет во градот Константинивка, во украинската област Доњецк.
Украинскиот министер за внатрешни работи Игор Клименко на својот профил на социјалните мрежи објави информација за нападот на супермаркетот, кој се запалил по нападот.
Наведувајќи дека пожарот, кој избувна како резултат на нападот на површина од околу 1.000 метри квадратни, е изгаснат, Клименко истакна дека освен супермаркетот, оштетени се и некои згради во градот.
Клименко изјави дека, според последните информации, во нападот загинале најмалку 10 лица, а 35 се повредени.
Во својата изјава во врска со нападот, украинскиот претседател Володимир Зеленски рече:
„Русија ќе сноси одговорност за овој тероризам“.
Тој нагласи дека светот треба да продолжи да стои до Украина.
Вадим Филашкин, шеф на воената управа на украинската област Доњецк, објави дека руската армија извршила напад на Константинивка со артилериски системи.
