Десетици луѓе загинаа, а многу други се повредени во два одделни бомбашки напади во петокот во две провинции во Пакистан, потврдија здравствените и полициските власти.
Најмалку 52 лица, вклучително и еден полицаец загинаа во првиот напад врз поворката која го прославувала роденденот на пророкот Мухамед, во близина на џамија во областа Мастунг во југозападната провинција Балучистан.
Повредените во експлозијата се пренесени во блиските болници, а многумина се во критична состојба.
Втората експлозија се случила во џамија во областа Хангу во северозападната провинција Хајбер Пахтунхва, изјави за Анадолу портпаролот на „Спасување 1122“, Билал Фаизи.
Најмалку две лица загинаа, а уште шест се повредени, додаде тој.
Министерот за внатрешни работи Сарфраз Бугти рече дека се во тек операции за спасување и помош по „гнасниот чин“, додавајќи дека „ние сме посветени на политика на нулта толеранција против терористите“.
Претседателот Ариф Алви го осуди нападот и побара од властите да дадат секаква можна помош за повредените и семејствата на жртвите.
