Најмалку едно лице загина, а 22 други се повредени во пукотница во Канзас Сити, Мисури по прослава на титулата во НФЛ лигата и победата на „Чифс“ на Супербоулот, соопшти локалната полиција.
„Ова е сè уште активна истрага“, рече началникот на полицијата во Канзас Сити Стејси Грејвс за време на брифингот со новинарите.
Грејвс рече дека полицијата пронашла огнено оружје, но не откри колку или нивниот калибар.
„Имаме три лица приведени и под истрага за денешниот инцидент“, рече таа.
Осум лица имаат повреди „опасни по живот“, изјави шефот на противпожарната служба во Канзас Сити, Рос Грундисон.
Истрелите биле испукани во близина на станицата Унион.
Жртвата во пукањето е Лиза Лопез-Галван, која работела како диџеј во радио станицата KKFI 90.1.
Претседателот Џо Бајден го повика Конгресот да забрани јуришно оружје, да ги ограничи оружјата со голем капацитет и да ги зајакне проверките на баратели на дозволи.
„Денешните настани треба да нè трогнат, шокираат. Што чекаме? Што друго треба да видиме? Уште колку семејства треба да се распаднат? рече Бајден во изјавата.
Говорејќи на брифингот, градоначалникот Квинтон Лукас рече дека сите играчи, тренерите и персоналот на Канзас Сити се безбедни и засолнети по пукањето.
НФЛ изрази сочувство поради пукањето.
„Длабоко сме тажни поради бесмисленото пукање што се случи денеска при крајот на парадата за Чифс во Канзас Сити. Нашите мисли се со жртвите и сите засегнати“, рекоа од лигата на X.
