Во оружен напад на црква во западноафриканската нигериска држава Кадуна, киднапирани се 45 лица.
Авеми Маисамари, претседателот на Народниот сојуз на Јужна Кадуна, во изјавата за локалните медиуми рече дека вооружени лица на мотоцикли нападнале црква во областа Каџуру во државата Кадуна.
Маисамари истакна дека во нападот на црквата и нејзината околина биле киднапирани 45 луѓе, а голем број се повредени.
Истакнувајќи дека некои од киднапираните луѓе контактирале со нивните семејства, Маисамари рече дека е побаран откуп од нивните семејства.
Во некои држави во земјата, употребата на мотоцикли е забранета поради вооружени лица кои вршат напади на мотоцикли.
Во Нигерија киднапирањето е казниво со смртна казна, но сепак киднапирањата за откуп се вообичаени.
Во рамките на борбата против зголемените безбедносни проблеми во земјава, забрането е да се плаќа откуп на вооружени лица.
