Минарето Ал-Хадба во Мосул, кое датира од селџучката ера, е обновено по неговото уништување од терористите на ДЕАШ во 2017 година, јавува Анадолу.
Реставрацијата на минарето, дел од историската Голема џамија Ал Нури, е завршена денес.
Реконструкцијата на џамијата започна во летото 2022 година, а куполата беше обновена минатата година, како и ѕидовите и покривот на молитвената сала.
Враќањето на историската градба во својот полн сјај како централно место за богослужба во Мосул е повеќе од архитектонски потфат - тоа е моќен симбол на обновата и надежта.
Кога терористичката организација ДЕАШ го зазеде градот во јуни 2014 година, водачот на организацијата, Абу Бакр ал-Багдади, го прогласи својот таканаречен „калифат“ од Големата џамија Ал Нури.
Терористичката организација потоа на 21 јуни 2017 година ја разнесе историската градба, кога ирачката Армија влезе во градот како дел од операциите во Мосул.
Експлозијата сериозно ја оштети историската џамија и 45-метарското минаре Ал-Хадба, кое го изгради селџукот Атабег Нуредин Махмуд Зенги во 12 век.
