Норвешкиот суд во средата соопшти дека го отфрлил барањето на масовниот убиец Андерс Беринг Брејвик за предвремено ослободување од затвор, каде што отслужува казна за убиство на 77 луѓе во најголемото мирновременско злосторство во нордиската земја, објави новинската агенција НТБ, цитирајќи ја пресудата.
На 22 јули 2011 година, неонацистот и исламофобот Брејвик уби осум со автомобил-бомба во Осло, а потоа 69 луѓе, главно тинејџери, во младинскиот камп на Лабуристичката партија на островот Утоја.
Адвокатот изјави за НТБ дека Брејвик ќе поднесе жалба на одлуката.
Судот го разгледа второто барање на Брејвик за условно ослободување во ноември. За време на тоа рочиште, тој рече дека нападот бил „неопходен“.
45-годишникот има отслужено 13 од 21-годишната затворска казна, максимална во времето на неговите злосторства, која може да се продолжи се додека тој се смета за закана за општеството.
Убиецот може да поднесе барање за условно ослободување една година по секое одбивање.
Брејвик, кој испрати копии од својот манифест пред крвавиот поход, ја тужеше државата во обид да ги укине ограничувањата на неговата комуникација со надворешниот свет.
Неговиот случај е тест за земја која и понатаму е засегната од неговиот чин, а во исто време се гордее со правосудниот систем, кој ја нагласува рехабилитацијата на затворениците.
Брејвик се наоѓа во дел од строго обезбедуваниот затвор Рингерик, кој се наоѓа на околу 70 километри северозападно од Осло, на езерото каде што се наоѓа нападнатиот остров. Ова е трет затвор во кој се наоѓа.
Тој има на располагање сала за вежбање, кујна, дневна соба и бања. Со него се и три мали птици кои слободно летаат.
Контролата врз неговите контакти е оправдана со ризикот да не влијае и на други да извршат сличен криминал.
Ова особено се однесува на контактите со крајнодесничарските кругови, вклучително и луѓе кои сакале да стапат во контакт со него по терористичкиот акт на 22 јули 2011 година.
Брејвик беше наведен како инспирација од Брентон Тарант, кој во 2019 година уби 51 лице во две џамии во Нов Зеланд, Крајстчрч.
