Во тек се подготовките за посета на Туркије од страна на рускиот претседател Владимир Путин, изјави портпаролот на Кремљ, Дмитриј Песков.
Датумот ќе биде одреден, земајќи ги предвид условите за претстојните претседателски избори во Русија закажани за 17 март и распоредот на турскиот претседател Реџеп Таип Ердоган, рече Песков на брифинг со новинарите во Москва.
„Штом ќе се договорат овие датуми, ќе ги објавиме заедно со нашите партнери“, рече Песков.
Запрашан за можноста за продолжување на клучниот договор за Украина за извоз на жито преку Црното Море, Песков рече дека нема „предуслови“ за таква мерка во разговорите.
„Во моментов нема предуслови за продолжување на договорот за жито во форма во која се преговараше и не беше спроведен во однос на Русија. Затоа, не гледаме никаква основа и предуслови за тоа“, посочи тој.
