Според информациите добиени од безбедносни извори, подготвениот текст во преговорите за траен прекин на огнот и размената на заложници меѓу Израел и Хамас е во завршна фаза, а познати се и некои детали од преговорите.
Според текстот, кој се уште не е финализиран, преговорите меѓу страните се засноваат на ослободување на 12 палестински затвореници за секој заложник што го држи Хамас.
Фокусот на разговорите е како и врз кoja основа Израел ќе ги ослободи палестинските затвореници во сопствените затвори. Израел, кој се согласи да ги ослободи осудените на помалку од 30 години затвор, сака ослободувањето на осудените на подолги казни да биде негово дискреционо право.
Околу 50 луѓе отслужуваат казни од над 30 години во израелските затвори, меѓу кои и Марван Баргути, еден од симболичните водачи на палестинското движење Фатах. Израел тврди дека има право на вето на овие имиња.
Се проценува дека Хамас држи околу 120 израелски заложници. Се вели дека и други групи кои се борат против Израел во Газа држат заложници.
Се наведува дека Хамас покажал конструктивен став во преговарачкиот процес, кој е интензивиран во последните 2,5 месеци и дека процесот напредува позитивно.
Безбедносни извори посочуваат дека придонесот на Туркије во преговарачкиот процес е важен за да се дојде до оваа фаза и наведуваат дека односот на израелскиот премиер Бенјамин Нетанјаху го забавува процесот.
Друго важно прашање поврзано со преговорите е ситуацијата на Јахја Синвар, кој го смени шефот на политичката канцеларија на Хамас, Исмаил Ханије, кој беше убиен во Иран.
Се проценува дека присуството на Синвар во Газа може да го продолжи времето за одобрување или одговор на прашањата што се ставени на преговарачка маса.
Разговорите се очекува да бидат завршени во наредните денови како резултат на напорите на САД, Катар и Египет, со поддршка на Турркије, да се постигне траен прекин на огнот во Газа.
