Обилните дождови и поплавите, кои на 29 октомври ги претворија источниот и јужниот дел на земјата, особено Валенсија, во зона на катастрофа во Шпанија, овојпат ја погодија Жирона.
Поплавата предизвикана од силниот дожд што синоќа започна во градот Кадакес во провинцијата Жирона на североистокот на Шпанија оштети најмалку 32 возила.
Во интервју за Радио Каталуња, градоначалничката на Кадакес, Пиа Серињана изјави дека силниот дожд кој траел два или три часа предизвикал сериозни штети.
Во меѓувреме, продолжува потрагата по 78 лица, кои беа прогласени за исчезнати во Валенсија.
Претставници на локалната самоуправа изјавија дека во поплавите загинале 219 лица, од кои 211 во Валенсија, а досега се спасени 36.572 лица.
Надлежните соопштија дека идентификацијата на загинатите продолжува, а повеќе од 100 тела се предадени на нивните семејства.
Повеќе од 17.000 полицајци, припадници на жандармеријата и војници продолжуваат да работат во регионот, барајќи тела во калта висока до два метри и по поплавените паркинзи.
Во Шпанија, каде што има политички дебати за поплавите, се бараат виновниците за големиот број загинати.
Се верува дека автономната влада на Валенсија многу доцна испратила порака за предупредување за поплави до мобилните телефони.
Според прогнозите на Државната метеоролошка агенција (Аемет), најавено е дека обилни врнежи и невреме се очекуваат на североистокот на Каталонија и во градот Кадиз на југозападот на Шпанија.
