Шведската влада денеска објави дека ќе донира воена помош во вредност од 13 милијарди круни (1,23 милијарди долари) за Украина во најголемиот пакет помош што го одобри досега.
„Таа се состои од опрема што е на врвот на листата на приоритети на Украина“, рече вицепремиерот Еба Буш, додавајќи дека помошта вклучува противвоздушна одбрана, артилериска муниција и оклопни возила.
Шведскиот министер за одбрана Пал Јонсон изјави дека земјата засега ја отфрли можноста за испраќање авиони JAS 39 Gripen од шведско производство во Украина, наведувајќи дека фокусот на украинската страна е на имплементација на програмата Ф-16.
Неколку земји рекоа дека сакаат да донираат борбени авиони Ф-16, а Белгија и вети на Украина 30 од тој тип во вторникот.
Новиот пакет за поддршка е 16-ти што Шведска го одобри од почетокот на руската инвазија на Украина.
