Американскиот претседател Доналд Трамп потврди дека Кит Келог неговиот специјален пратеник за Украина и Русија, наскоро ќе ја посети Украина.
„Да“, им рече Трамп на новинарите во Овалната соба на прашањето дали Келог ќе ја посети Украина оваа недела.
„Генерал Келог е одличечн човек за позицијата“, додаде тој.
Трамп исто така рече дека „најверојатно“ ќе разговара со украинскиот претседател Владимир Зеленски оваа недела.
„Тој сака да постигне договор... Мислам дека и тој и Путин сакаат да склучат договор. Тоа мора да се заврши“, рече претседателот Трамп.
Трамп повтори дека војната меѓу Русија и Украина никогаш немаше да започне доколку тој, а не Џо Бајден бил избран за претседател на претходните избори.
Запрашан дали се обидува да организира средба со Путин, тој рече: „Па, не можам да ви кажам за што зборувам, но разговараме како група. Исто така, мислам дека тој би сакал да постигне договор, но за танго потребни се двајца“.
Трамп беше прашан дали може да даде поголема јасност за тоа дали разговарал со Путин.
„Не сакам да зборувам за тоа. Не, не сакам да зборувам. Нема да ви помогне и да знаете, но ние би сакале да постигнеме договор, ако е можно само затоа што, во мојот случај, да спасиме животи“, рече тој.
