Украинската заменик-министерка за одбрана Хана Малиар Украина истакна дека изминатата недела Украина извршила успешна офанзива против Русија во јужниот регион Запорожје.
„Одбранбените сили на Украина на југ продолжуваат да спроведуваат офанзивна операција во правците Мелитопол и Бердијанск. Во насока на Мала Токмачка-Роботина од регионот Запорожје тие беа успешни“, истакна Малиар преку Телеграм.
Таа нагласи дека украинските сили повторно ја презеле контролата на вкупно 204,7 квадратни километри територија на југ, вклучително и 12,6 квадратни километри во текот на минатата недела.
Таа рече дека на источниот фронт руските сили продолжиле да ги фокусираат своите главни напори во правците на Купијанск, Лиман, Бахмут, Авдиевка и Маринка, додавајќи дека во текот на изминатата недела во овие правци се случиле повеќе од 170 борби.
Според Малиар, руските сили се обиделе да напредуваат во правците на Купијанск, Лиман, Авдивка и Маринка, но тие биле „неуспешни“.
„Во насока на Бахмут, непријателот со сите сили се обидуваше да го спречи нашето напредување во текот на неделата, но нашите бранители постепено напредуваа. Ослободената област во насока на Бахмут е вкупно 37 квадратни километри. За една недела беа ослободени два квадратни километра“, рече таа.
Таа, исто така, потсети на тврдењата во четвртокот дека украинските сили повторно го зазеле селото Старомаиорске.
Руските власти сѐ уште не ја коментираа ситуацијата, а украинските тврдења не може да бидат независно проверени поради тековната војна.
