Во украински ракетни напади во Доњецк загинаа 63 руски војници

Во украинските ракетни напади загинаа најмалку 63 војници во областа во источна Украина каде што се распоредени руските трупи, соопшти руското Министерство за одбрана.

„Ракетите се лансирани од шест системи ХИМАРС од американско производство на точката на привремено распоредување во близина на градот Макиивка во регионот Доњецк“, се наведува во соопштението.

Во ова соопштение се нагласува дека руските системи за противвоздушна одбрана собориле две од ракетите.

„На роднините и пријателите на загинатите војници ќе им биде пружена сета потребна помош и поддршка“, се вели понатаму во соопштението.

„Нападите се случија откако најмалку 22 беспилотни летала беа соборени над главниот град на Украина во текот на денот, откако беше објавена тревога за воздушни напади во повеќе региони на земјата“, соопшти воената управа на Киев.