Светски познатата пејачка Мадона, добитничка на Греми, преку нејзиниот профил на социјалната мрежа Инстаграм повика на помош за жртвите од земјотресот.
Додека во тек се акциите за помош на погодените од земјотресите со јачина од 7,7 и 7,6 степени со епицентри во турската област Кахраманмараш, кои се опишани како „катастрофа на векот“, многу странски пејачи и актери продолжуваат да ги споделуваат своите пораки за поддршка на Туркије на своите профили на социјалните мрежи.
Мадона, која во своето споделување вклучи фотографии направени по земјотресот, повикувајќи на донации, напиша: „Сите зборуваат за љубов на Денот на вљубените. Дајте да ја испратиме сета наша љубов и исцелителна енергија во Туркије и Сирија, кои претрпеа големи загуби и уништувања во овој тежок земјотрес. 33.181 луѓе загинаа. Има толку многу луѓе кои ги загубија своите домови, својата работа и саканите. Има градови кои се целосно избришани од картата. Ова е толку тажно!“
Голем број турски пејачи и актери, заблагодарувајќи ѝ се со порака на Мадона, ѝ напишаа: „Најдоброто место за донирање е ahbap.org.“
