Древниот манастир Сумела во турската црноморска област Трабзон на своите посетители чија бројка секоја година расте им нуди природна, историска и културна содржина.
„По реставрацијата, манастирот повторно беше отворен на 1 јули 2021 година и прими 597.742 посетители до 29 јуни 2023 година, и покрај тоа што беше затворен во одредени периоди“, рече за агенцијата Анадолу (АА) Тамер Ердоган, директор на покраинската Управа за култура и туризам во Трабзон.
Манастирот е врежан во карпите во шумска област на падината на планината Карадаг, 300 метри над долината Алтиндера.
Манастирот, кој е дел од привремената листа на светско наследство на УНЕСКО, беше повторно отворен за верска пракса на 15 август 2010 година, по пауза од неколку децении, со дозвола на Министерството за култура и туризам на Туркије.
Светски познатиот манастир Сумела, еден од важните верски туристички места во Туркије, беше затворен за посетители во септември 2015 година поради опасност од паѓање на карпи.
Обновата на манастирскиот комплекс започна во февруари 2016 година и заврши со уредување, геолошко-геотехнички истражувања и зајакнување на карпите.
Античката зграда повторно беше отворена на 1 јули 2021 година и привремено затворена на 1 ноември истата година поради ризик од паѓање на карпи. Манастирот повторно беше отворен во мај минатата година.
