Германските синдикати во јавниот сектор бараат зголемување на платите за осум отсто или месечно зголемување од најмалку 350 евра за 2,5 милиони вработени во јавниот сектор.
Во соопштението на Синдикатот на услужниот сектор (Вер.ди), еден од најголемите германски синдикати, и Синдикатот на државните службеници (дбб), се наведува дека во јануари ќе започнат преговорите за колективно договарање со владата за околу 2,5 милиони државни службеници и други вработени во јавниот сектор кои работат во федералната влада и општините.
Во соопштението се наведува дека во преговорите со Владата ќе се бара зголемување на платите за најмалку осум проценти или месечно зголемување од најмалку 350 евра за 2,5 милиони вработени во јавниот сектор, што ќе биде главно барање на синдикатот.
Од друга страна, годишната инфлација во Германија во септември падна на 1,6 отсто, што е под целта на Европската централна банка (ЕЦБ).
Германската влада предвидува дека инфлацијата, која лани изнесуваше 5,9 отсто, ќе биде 2,2 отсто оваа година и 2 отсто во 2025 година.
