Американската компанија Тесла поднесе тужба против Европската комисија пред Европскиот суд на правдата поради воведувањето тарифи за електричните автомобили произведени во Кина, приклучувајќи се на група кинески производители и германски БМВ, објави веб-страницата на судот.
ЕУ ги воведе тарифите на крајот на октомври, по истрагата за која рече дека нашла неправедна предност за кинеските производители поради државните субвенции.
Највисока царина е воведена за кинескиот производител на електрични автомобили SAIC (SAIC), од 35,3 отсто. Следува Geeli (Geely) со 18,8 проценти и БИД (BYD) со 17 проценти.
Комисијата утврди најниска царинска стапка од 7,8 отсто за увоз на автомобили произведени во Кина од американската Тесла.
Американската компанија поднела жалба против Комисијата поради одлуката за тарифи минатата среда, последниот ден од жалбениот период, приклучувајќи им се трите кинески компании и на Кинеската комора за надворешна трговија, како и на германската БМВ, покажуваат судските документи, без да се наведат детали.
БМВ заедно со партнерите ги произведува електричниот СУВ BMW iX3 и електричниот Мини Купер во Кина, кои ги продава на пазарот на Европската унија.
„Европската комисија со царините ќе им наштети на европските интереси, изјави во јуни шефот на БМВ, Оливер Зипсе.
Европскиот парламент во извештајот објавен во октомври цитира „повеќе извори“ дека кинеските компании БИД, Нио и Хпенг сè уште извезуваат релативно малку автомобили и дека две третини од кинескиот увоз во ЕУ се возила произведени од етаблирани европски и американски компании во Кина“.
