Јапонскиот производител на автомобили Нисан Мотор е подготвен да ги прекине преговорите за спојување со Хонда Мотор, откако неодамна го отфрли предлогот да стане подружница на Хонда.
Плановите за реструктуирање на Нисан не беа доволно убедливи за претставниците на Хонда, а тоа беше клучен предуслов за спојување во холдинг-компанија со задржување на двете марки, пишува Кјодо, повикувајќи се на анонимни информирани извори.
Двата јапонски производители на автомобили се согласија во декември да започнат преговори за спојување и потпишаа меморандум за разбирање.
Според тогашниот план, компаниите сакале подоцна да ја донесат Мицубиши во холдинг-компанијата, во која Нисан е најголем акционер со 24 проценти од акциите.
Комбинираната компанија, составена од трите производители на автомобили, би можела да продаде над осум милиони возила годишно, соопшти тогаш агенцијата Никеи.
Тоа би ја сместило компанијата меѓу најголемите светски производители на автомобили, но сепак би била под јапонската Тојота, која продала 11,2 милиони во 2023 година и германски Фолксваген со 9,2 милиони продадени возила.
