Американската Администрација за храна и лекови (ФДА), со одлука која се донесуваше речиси пет години, им дозволи на производителите на јогурт да наведат дека оваа храна може да го намали ризикот од дијабетес тип 2, пренесува Си-Ен-Ен.
Одлуката од петокот го означува првото здравствено тврдење што федералната агенција го издаде за јогуртот, но која е помалку моќна бидејќи, иако „подржан со научни докази, не ги исполнува построгите стандарди“ на научниот консензус, соопшти ФДА.
„За да се осигура дека овие тврдења не се погрешни, тие мора да бидат придружени со одрекување или друг соодветен јазик за прецизно да се пренесе на потрошувачите нивото на научни докази што го поддржуваат тврдењето“, наведуваат тие.
Во случајот на јогуртот, прифатено е дека, според ограничените научни докази, редовното консумирање јогурт, најмалку 2 чаши неделно, може да го намали за 12 отсо ризикот од болест која погодува околу 462 милиони луѓе ширум светот. Тој неделен износ беше минимумот потребен за да се види користа во две студии што агенцијата ги разгледа.
ФДА заклучи, врз основа на двете студии, дека оваа препорачана количина на јогурт е потребна за да се постигне наведениот ефект.
Направен од млеко ферментирано со бактерии или пробиотици Lactobacillus bulgaricus и Streptococcus thermophilus, јогуртот е богат со калциум, протеини, витамини од групата Б и минерали, вклучувајќи магнезиум, фосфор и калиум.
Врската помеѓу јогуртот и дијабетес тип 2
Овој потег доаѓа како одговор на петицијата од 2018 година поднесена од компанијата за храна и пијалоци Данон Северна Америка. Поднесокот ја поттикна ФДА да ги разгледа постојните истражувања за врската помеѓу јогуртот и дијабетес тип 2, се вели во соопштението за печатот.
„Петицијата да се дозволи квалификувано здравствено тврдење поврзано со дијабетес тип 2 да се појави на етикетите на јогуртот беше поддржана со соодветни чекори и вклучуваше рецензирани истражувања за поддршка на нивната петиција“, рече д-р Каролин Пасерело, регистриран диететичар нутриционист и инструктор во Колеџот за здравствени науки и науки за рехабилитација од Универзитетот во Питсбург.
Но покрај тоа што се ограничени, овие студии се исто така „не многу моќни“, рече Пасерело.
Начинот на кој е спроведено истражувањето „значи дека не можеме со сигурност да кажеме дека постои причинско-последична врска, туку повеќе корелација помеѓу дијабетес тип 2 и јогуртот“.
ФДА ретко донесува одлуки да ги дозволи овие типови здравствени тврдења и во изминатата деценија го направи тоа само за 10 намирници, вклучително и какао во прав со висок флавонол за намален ризик од кардиоваскуларни болести и одредени производи од брусница за намалена шанса за повторување на инфекции на уринарниот тракт кај жените.
д-р. Марион Нестле, професорка по исхрана, здрава храна и јавно здравје на Универзитетот во Њујорк, ја критикуваше одлуката, прашувајќи: Зошто некој разумен човек би помислил дека сѝ што треба да направите за да спречите дијабетес тип 2 е да консумирате 2 чаши јогурт неделно? ?
Таа додаде дека „се што можеме да се надеваме е дека јогуртот е барем незасладен, но бидејќи е навистина тешко да се најде незасладен јогурт, ова им кажува на луѓето кои сакаат да избегнат дијабетес тип 2 дека засладените јогурти се добри за нив“.
Сомнежи за тврдењето на ФДА
„Според прегледот на ФДА на истражувањата, количината на шеќер во јогуртот не влијаела на резултатите. Затоа, шеќерот не е проблем за ФДА“, додава Нестле.
„Секој јогурт може да се однесува на научното тврдење на ФДА сѐ додека ја користи точната формулација наведена од агенцијата“, додава Нестле.
Високата потрошувачка на додаден шеќер е поврзана со поголем ризик од развој на дијабетес тип 2, според повеќе студии.
Според Нестле, сомнежот на тврдењето на ФДА е и фактот дека причината за дијабетес тип 2 е повеќеслојна, па иако јогуртот може да биде дел од здравата исхрана за одржување на телесната тежина, очекувањето дека самиот јогурт ќе биде каузално поврзан со превенцијата од дијабетес нема смисла надвор од контекстот на исхраната.
„Во овој контекст, кога се оценуваат здравствените тврдења на производот за да се направи најдобриот избор за вашата исхрана и здравствена состојба, користењето на „здравиот разум“ е клучно, додава Нестле.
