По 46 години, Кина го заврши проектот за опкружување на својата најголема пустина, Такламакан (голема колку Германија), со шума, како дел од напорите да се запре деградацијата на теренот и да се спречат пустинските бури, објавија државните медиуми.
Зелениот појас долг 3.000 километри околу Такламакан беше завршен на 29 ноември, во регионот Ксинџијанг, откако работниците засадија дрвја на последните стотина метри од северната граница на пустината.
Проектот познат како Големиот зелен ѕид започна во 1978 година и досега се позеленети повеќе од 30 милиони хектари.
Засадувањето дрвја на јужниот и северо-западниот дел доведе до фактот дека до крајот на минатата година, 25 отсто од територијата на Кина беше покриена со шуми, во споредба со десет отсто во 1949 година.
Без разлика, 26,8 отсто од територијата се смета за пустина, нешто помалку од 27,2 отсто пред десет години, покажуваат податоците на Управата за шуми.
По должината на зелениот појас, направени се напори да се промовира песочната индустрија, како што е одгледувањето наут и други култури, за доброто на локалното население.
Тухти Рахман, директор на Регионалното биро за шумарство и пасишта во Ксинџијанг, рече дека појасот функционира како еколошка бариера и ќе ја гарантира стабилноста на земјоделското производство, ќе ја подобри урбаната средина и ќе го промовира економскиот и социјалниот развој на Ксинџијанг.
