Од крајот на Студената војна Европа воглавно веруваше дека ерата на глобалните или барем регионалните војни е завршена, што наведе многу европски држави до тогаш приоритетните издвојувања за одбрана да ги префрлат на изградба на цивилни инфраструктури.
Но како што судирот на Украина и Русија станува се поинтензивен, со неколку земји на НАТО кои испорачуваат тенкови и друго наоружување на Украина, постои страв од поширока руска одмазда, како и од тоа дека судирот би можел да се прошири и на другите држави. Како резултат на тоа, многу европски влади итно ја отстрануваат прашната од своите рѓосани воени машини како би го приметиле недостатокот на чизми, залихи и работна сила.
Германија заостанува во своите подготовки. Меѓу германските медиуми, политичари и воени водачи постои загриженост дека земјата би можела да остане без стратешко вооружување, оружје и муниција во случај на ширење судири.
Соочен со притисоците од сите страни, германскиот канцелар Олаф Шолц во јуни 2022 година најави посебен фонд од 106 милијарди долари (100 милијарди евра) за модернизација на војската на земјата, нарекувајќи го тоа „zeitenwende“ или пресврт на државната воена и безбедносна политика по Втората светска војна.
„Zeitenwende“ на Шолц се најде под интензивен притисок откако низа неодамнешни медиумски извештаи го откри недостатокот на воената спремност на Германија.
Без куршуми, без тенкови, без оружје
Бизнис Инсајдер во октомври 2022 година, цитирајќи неименувани извори, извести дека Германија има муниција само за два дена војна, додека таквите детали на воената подготвеност се држат во тајност. Доколку тоа е вистина, Германија значително заостанува зад барањето на НАТО да има најмалку 30 дена муниција. За да го надомести недостатокот, се проценува дека е потребно да вложи 21 до 31 милијарди долари (20-30 милијарди евра).
Кога германскиот министер за одбрана побара додатни 10,6 милијарди долари (10 милијарди евра) за зголемување на воениот буџет, добил информација дека благајната може да обезбеди само додатни 3,19 милијарди долари (3 милијарди евра).
Потоа тука се и „проблематичните тенкови“, како што гласи нивниот прекар. Во декември минатата година се појавија извештаи кои сведочат дека главните пешадиски тенкови во земјата, „Пума“, имаат сериозни оперативни проблеми. Со цена од 18 милијарди долари (17 милиони евра) секој, овие тенкови се развиваа повеќе од 10 години бидејќи изработката и дизајнот имаа неколку технички проблеми, вклучувајќи го кровниот отвор кој тече, ограничен поглед за возачот и други прашања поврзани со електрониката. Техничките и функционалните проблеми на „Пумите“ предизвикаа сериозен аларм бидејќи овие тенкови подоцна оваа година требаше да бидат класифицирани во „Здружената група со многу висока спремност“ на НАТО.
Во текот на минатогодишната вежба на НАТО, ниедно од распоредените 18 борбени возила на пешадијата „Пума“ не успеа да ја заврши вежбата во оперативниот облик.
Лошата состојба веќе долго е позната во воените кругови. Приказните за дисфункционалните тенкови и хеликоптери, пушките кои не работат на топло време и војниците кои мораат да тренираат по студено време без термо долен веш со години беа занемарени.
Многу проблеми на германската војска не произлегуваат секогаш од недостатокот на финансирање, туку и од непотребни бирократски пречки во набавка и лошото планирање. Недостатокот на термо долен веш произлегува од последната наведена причина.
Во 2015 година, германски известувач кој се повика на доверлив воен извештај, извести дека германските војници се обиделе да го сокријат недостатокот на оружје заменувајќи ги тешите митралези со метли во текот на НАТО воената вежба во 2014 година. Откако ги обоиле дрвените стапови со црна бојна германските војници брзо ги прицврстиле на врвот на оклопните возила. Накратко, војната во Украина фрли загрижувачко светло врз критичната неподготвеност на германската војска.
Прекин на врската Шокантно е и да се замисли дека германските воени шефови морале лично да молат за повеќе средства. Генерал-полковникот Алфонс Маис неодамна за локалните медиуми изјави: „Војската, која имам должност да ја водам, е речиси гола“.
Сепак, постои длабока неповрзаност. И покрај Шолцовите 106 милијарди долари (100 милијарди евра), предвидени за модернизација на војската, постојат извештаи дека досега не е извршена никаква набавка. Една проценка укажува на бирократските кршења и политиката околу доделувањето тендери.
Набавката на оружје мора да биде во согласност со правилата за тендери на ЕУ, како и со политичките одлуки, кои често се многу мачни бирократски задачи.
Додека расте паниката кај населението, во германското складиште за оружје сè уште не е заменет ни поголемиот дел од оружјето испратено во Украина.
Експертите од истражувачките центри и поранешни генерали непрестано се појавуваат во медиумите, повикувајќи ја владата и бирократијата да ги забрзааат работите.
Ако законската рамка и бирократските процеси се поедностават, купувањето оружје би можело да се забрза. Но сепак Шолцовата трисмерна коалиција е на се пошироките линии на расед. Лапсусот на неговиот министер за надворешни работи кој сугерира дека Германија е во војна со Русија не помина добро кај некои делови од германското население каде воениот наратив против Украина бргу се развива.
Уште еден проблем кој ја мачи германската војска е недостаток на луѓе во борбено време. Бундесвер располага со околу 183.000 луѓе иако земјата има популација од повеќе од 84 милиони.
Постојат нови повици да се врати задолжителниот воен рок, но тоа ќе биде предизвик во земја каде населението старее. Исто така, откако задолжителната регрутација е укината во 2011 година, младите во Германија преферираат други професионални патишта.
Тоа е нешто за што министерот за одбрана неодамна се пожали, сеќавајќи се дека „порано на секоја втора маса имало по еден воен обврзник, што значеше дека секогаш постоела врска со граѓанското општество во целина“. Стравот од војната со Русија е сега главна тема на разговорите во германските дневни соби. Доколку украинско-рускиот судир ескалира во регионална војна, Германија ќе се најде во многу тешка положба.
