Илир Мета поранешниот претседател на Албанија ќе остане во притвор додека трае истражната постапка за поднесените обвиненија за корупција, одлучи судот во Тирана.
Лидерот на левичарската Партија на слободата беше уапсен во понеделникот во главниот град Тирана за наводно перење пари и корупција.
Специјалниот суд за корупција и организиран криминал на Албанија, исто така, донесе одлука сопругата на Мета, Моника Криемади, која е во процес на развод и се товари за слични обвинувања, да биде предмет на судска контрола во форма на пријавување во полиција еднаш месечно.
Обвинителите тврдат дека 55-годишниот Мета ги злоупотребил своите овластувања за време на мандатот како министер за економија, трговија и енергетика за да влијае врз различни бизниси за финансиска корист.
Исто така, беше наведено дека Мета не успеал да оправда околу 460.000 долари што ги користел за лобирање во САД пред да стане претседател во 2017 година.
Мета беше претседател на Албанија од 2017 до 2022 година.
Тој, исто така, беше и премиер и министер за надворешни работи и на други високи позиции.
Полицијата и обвинителството допрва треба да дадат официјално соопштение за апсењето.
