На сараевскиот маркет Хецо денеска избувна пожар кој пожарникарите на Професионалната противпожарна бригада на кантонот Сараево долго време се обидуваат да го изгаснат, а шефот на Цивилната заштита Џенан Брканиќ, рече дека се бореле со материјали кои се лесно запаливи.
Тој нагласи дека пожарот брзо се шири и дека ги зафатил растворливите материјали како стиропор и пластика, а горсат и облека и обувки.
„Спречивме пожарот во зградата да се прошири на горните катови, тоа е информацијата што можам да ја дадам во овој момент, ќе видиме, ќе имаме малку повеќе информации во текот на денот“, рече тој.
Тој посочи дека не се знае што го предизвикало пожарот и дека ќе го утврдат други надлежни институции.
„Наше е да го изгаснеме пожарот, да спречиме понатамошно ширење на пожарот, за среќа, нема повредени, имавме неколку експлозии кои се слушнаа при гаснењето на пожарот, најверојатно има плински боци и се доста опасна околина за работата на пожарникарите и на сите кои се наоѓаат во близина“, рече Брканиќ.
Тој додаде дека имаат доволно материјално-технички ресурси. Според снимките од местото на настанот, пожарот зафатил дел од комплексот во главниот град на Босна и Херцеговина, а над оваа област се издигнал големо количество чад.
