Собранието на Албанија денеска со 75 гласа гласаше за одземање на пратеничкиот имунитет на поранешниот премиер Сали Бериша, со што се отвора патот за негово апсење на барање на барањето на Специјалното обвинителство за борба против корупцијата и организираниот криминал во Тирана (СПАК).
Барањето беше усвоено во тензична атмосфера, а на седницата присуствуваше и Бериша.
Претставници на Демократската партија на Албанија и други членови на опозицијата надвор од пратеничките групи ја блокираа говорницата со столчиња, фрлаа димни бомби и се судрија со стражарите кога влегувајќи во салата.
По одобрувањето на барањето за одземање на пратеничкиот имунитет, Специјалниот првостепен суд за корупција и организиран криминал на Албанија треба да одлучи за промена на мерката за безбедност на поранешниот премиер Бериша.
СПАК на 12 декември побара од Собранието на Албанија да го одобри апсењето односно одземањето на слободата на поранешниот премиер Бериша, преку измена на безбедносните мерки. Во моментов, поранешниот премиер Бериша е принуден да се појави пред судската полиција. Тој доби забрана за напуштање на земјата поради обвиненија за корупција.
Зетот на Бериша, Џамарбер Малтези, првично беше осуден на затворски притвор, а потоа и на куќен притвор бидејќи е осомничен за корупција и перење пари. Наводно, Бериша сменил некои закони во корист на неговиот зет при приватизацијата на терените и спортските објекти на фудбалскиот клуб Партизан и спортскиот клуб Партизан во Тирана.
Поранешниот премиер Бериша претходно беше прогласен за персона нон грата од САД и Велика Британија.
Бериша беше претседател на Албанија од 1992 до 1997 година и премиер од 2005 до 2013 година, додека на изборите на 25 април 2021 година беше избран за пратеник на Демократската партија на Албанија.
Во моментов е независен пратеник поради неодамнешните конфликти во Демократската партија.
