На Меѓународниот балкански универзитет (ИБУ) во Скопје се одржа програма по повод „21 Декември - Денот на наставата на турски јазик“ во Северна Македонија, кој го одбележуваат Турците во земјава, јавува Анадолу.
На настанот организиран под наслов „Турскиот јазик на децата“ по повод Денот на наставата на турски јазик и церемонијата на облекување наметки, во кампусот на ИБУ во Скопје присуствуваа 29. претседател на Големото Народно Собрание на Туркије, Мустафа Шентоп, амбасадорот на Туркије во Скопје, Хасан Мехмет Секизќок, претставници на турските институции и организации во земјата, академици, студенти и голем број гости.
Во својот говор Шентоп истакна дека Северна Македонија е земјата од каде што потекнуваат неговите предци и додаде дека од тој аспект има посебна и лична врска со овие простори.
Потсетувајќи дека „21 Декември - Денот на наставата на турски јазик“ во Северна Македонија е усвоен во 2007 година, Шентоп рече:
„Дваесет и први декември 1944 година е датумот кога започна турската настава во Северна Македонија под раководство на јуџелистите во дворот на Султанмуратовата џамија. Тој датум се слави како национален празник. Од тој аспект, сметам дека Република Северна Македонија е земја пример и за Балканот и за Европа и за целиот свет бидејќи создаде средина во која заедно во мир живеат луѓе од различно етничко потекло, различни јазици и различни верувања. Многу е важно, многу е вредно да се зачувува оваа средина.“
Наведувајќи дека Туркије ја поддржува и стои на страната на Северна Македонија од денот на нејзиното формирање, Шентоп рече: „Туркије беше првата земја што го призна нејзиното уставно име во тоа време, Република Македонија, а подоцна и земја што сесрдно и силно го поддржуваше развојот на Република Северна Македонија преку нејзиното членство во меѓународните институции, особено во евроатлантските институции.“
Осврнувајќи се на руско-украинската војна, Шентоп истакна дека таа создава многу трошоци и за Европа и за околните земји, вклучително и Туркије.
Нагласувајќи дека целиот свет ги следи бруталните, геноцидни напади на Израел врз браќата во Палестина и Газа, кои започнаа на 7 октомври, Шентоп рече: „Тоа не е ново прашање. Израел војува во овој регион повеќе од 80 години. Тој се обидува да формира терористичка држава.“
Осврнувајќи се на ИБУ, Шентоп потсети дека универзитетот е основан пред 17 години под водство на претседателот Реџеп Таип Ердоган и рече:
„Постоењето на овој универзитет се појави како симбол на одличните односи меѓу двете земји. Во овој 17-годишен период овде се случија многу важни настани. Денес, Меѓународниот балкански универзитет е еден од најдобрите универзитети во Северна Македонија. Ова не е доволно, ние секогаш го велиме тоа, овој универзитет ќе биде најдобар универзитет не само во Северна Македонија туку и на Балканот, па дури и во Источна Европа, тоа е нашата цел, нашиот идеал.“
Истакнувајќи дека овој посебен ден се собрани тука, почитувајќи го минатото, да ја споделат среќата гледајќи кон иднината со надеж и да го прослават овој значаен празник со ентузијазам, заедно со културните богатството и обединувачката моќ на Туркије, претседателот на Управниот одбор на ИБУ, Реџеп Сулејман Оздил, рече: „Најголема инвестиција на Меѓународниот балкански универзитет е во луѓето од регионот. Нашиот универзитет, кој придонесува за академската заедница во регионот преку едукација на вредни и успешни поединци, отсекогаш бил извор на гордост во овој аспект.“
Ректорот на ИБУ, проф. д-р Љутфи Сунар, истакна дека во Северна Македонија, каде што заедниците живеат во мир, многу е убаво што секоја заедница ги слави своите посебни културни денови.
Посочувајќи дека луѓето во различни делови од светот понекогаш немаат таква можност, ректорот Сунар истакна: „Додека овде во мир уживаме во можностите на квалификуван универзитет, денес децата, младите и луѓето се борат да преживеат на улиците на Газа, лишени од најосновните права на живот. Се надеваме дека овдешното искуството, почитта еден кон друг и заедничкиот соживот ќе бидат пример за другите делови од светот.“
Сунар нагласи дека е гордост постоењето на турски универзитет во Скопје, кој го опиша како срцето на Балканот.
Во рамките на програмата настап имаа студентите на ИБУ, а беше одржана и свечена церемонија на облекување на наметката на новоименуваниот ректор Сунар, како и на членовите на факултетот што постигнаа академски напредок во рамките на универзитетот, а беа доделени и подароци.
