Ракометната репрезентација на Црна Гора вечерва во третото коло од групата „Ц“ на Европското првенство, што се одржува во Германија, ја совлада Србија со резултат 30:29.
Со победата во регионалното дерби, Црногорците го освоија третото место во групата по двата тесни порази против Исланд и Унгарија. Србија одигра нерешено со Исланд и загуби еден гол разлика од Унгарија.
Хрватските ракометари извојуваа очекувана победа против Романија со резултат 31:25 и го обезбедија првото место во групата „Б“. Сепак, Хрватите го чекаат вечерашниот дуел меѓу Шпанија и Австрија за да дознаат колку бодови ќе пренесат во второто коло, еден или два.
Северна Македонија на најубав начин го заврши настапот на ЕУРО 2024 со победа против Швајцарија со резултат 29:27. Со ова избраниците на Кирил Лазаров го освоија третото место во групата „А“.
Вчера и репрезентацијата на Словенија по победата против Норвешка го освои првото место во нејзината група откако претходно ги победи Полска и Фарските Острови.
Од репрезентациите од регионот и ракометарите на Босна и Херцеговина неславно го завршија ЕП откако загубија во сите три натпревари.
