Во групите „А“, „Б“, „Ц“ и „Д“ вчера се одиграа натпреварите од четвртото коло во Лигата на шампионите на УЕФА, а најмногу внимание привлекоа дуелите од групата „А“ во кои Баерн го совлада Галатасарај со 2:1, а Копенхаген во трилер натпревар го победи Манчестер Јунајтед со 4:3.
Натпреварот помеѓу Баерн и Галатасарај на Алијанц Арената во Минхен го следеа повеќе од 75.000 гледачи. Првото полувреме заврши без голови, а победата на Баварците им ја донесе двојниот стрелец Хари Кејн со головите во 80. и 86. минута. Стрелец на голот за турскиот тим беше Седрик Бакамбу во последните моменти од натпреварот.
Во вториот натпревар од оваа група Копенхаген и Манчестер Јунајтед одиграа вистински трилер натпревар во кој гостите со головите на Расмус Хојлунд поведоа со 2:0, но поради црвен картон останаа без Маркус Рашфорд.
До крајот на полувремето данскиот тим израмни на 2:2 со головите на Мохамед Ељунуси и Диого Гонкалвес. Бруно Фернандеш му донесе ново водство на Јунајтед во вториот дел, но Копенхаген израмни преку Лукас Лерагер. Голот за конечни 4:3 и победа на домашните го постигна 17-годишниот Руни Бардгји во самиот финиш на натпреварот.
Баерн е прв во групата со максимални 12 бода. Копенхаген и Галатасарај собраа по четири, а Манчестер Јунајтед има три бода на дното на табелата.
Во групата „Б“ се одиграа натпреварите Арсенал - Севиља 2:0 и ПСВ - Ленс 1:0. Арсенал е лидер во групата со девет бода, ПСВ и Ленс имаат по пет, а Севиља собра два бода.
Во групата „Ц“, Реал Мадрид ја совлада Брага со 3:0, додека Наполи ремизираше со Унион Берлин 1:1.
Мадриѓаните имаат максимални 12 бодови на врвот на табелата, Наполи седум, Брага три, а Унион Берлин еден бод.
Во групата „Д“ Интер во тешко гостување го совлада Салцбург со 1:0, а Реал Сосиедад беше подобар од Бенфика со 3:1.
Сосиедад е лидер во групата со десет бодови, исто толку колку и Интер. Салцбург има три бода, а Бенфика е на дното на табелата без бодови.
