Се одиграа воведните девет натпревари од новата сезона на Лига на Европа, кои се играат во нов формат и на истиот принцип како и Лигата на шампионите, а воведните победи ги забележаа Галатасарај во дербито против ПАОК, како и Лацио на гости против Динамо Киев.
Од фаворитите киксна Манчестер Јунајтед, кој одигра нерешено на „Олд Трафорд“ против Твенте.
Во регионалното дерби ПАОК беше поразен од фудбалерите на Галатасарај, кои славеа на домашен терен со 3:1.
Од почетокот и двете екипи играа офанзивно, а по првото полувреме без голови, вториот дел почна фуриозно. Новото засилување на турскиот тим, Осимен, одличната игра од првиот дел ја продолжи и на стартот од второто полувреме. Осимхен во 48. Минута шутираше, но топката го закачи противничкиот бек Баба и заврши во голот.
ПАОК успеа да се врати и израмни на 1:1 во 67. минута кога погоди Константелиас. Грците само осум минути уживаа во овој резултат бидејќи тогаш Акгун најде дупка во грчката одбрана, го совлада Котарски и погоди за 2:1. Во судиското надополнување, Котарски прими уште еден гол, но не можеше да стори ништо од одличниот удар на Мауро Икарди.
Нерешено 1:1 одиграа Манчестер Јунајтед и Твенте. Манчестер Јунајтед поведе со голот на Ериксен, но европските маки на англискиот гигант ги продлабочи Ламерс, кој погоди во 68. за 1:1.
Лацио во Хамбург оствари убедлива победа совладувајќи го „домаќинот“ Динамо Киев со 3:0. Се беше готово за нешто повеќе од половина час игра. Толку им требаше на Римјаните за три гола, два на Сенегалецот Диа и еден на Деле Башир. Двата тима доживеаја завршница со десетмина на теренот, за Динамо беше исклучен Брахару, а кај гостите Нослин.
Резултати од натпреварите од првото коло од Лига на Европа, одиграни на 25 септември
Динамо Киев - Лацио 0:3 (Дија 4, 35, Деле Баширу 33)
Митјиланд - Хофенхајм 1:1 (Осорио 42 / Моерштет 90)
Галатасарај - ПАОК 3:1 (Баба 48-аг, Акгун 75, Икарди 90+5 / Константелиас 67)
Лудогорец - Славија Прага 0:2 (Јурасек 37, Читил 65)
Манчестер Јунајтед - Твенте 1:1 (Ериксен 35 / Ламерс 68)
Ница - Реал Сосиедад 1:1 (Росарио 45 / Баренеткеа 18)
Андерлехт - Ференцварош 2:1 (Вершарен 60, Долберг 66-11м / Траоре 86)
АЗ Алкмар - Елфсборг 3:2 (Ван Бомел 44, 50, Парот 74-11 м / Оума 23, Хедлунд 53)
Бодо Глимт - Порто 3:2 (Хог 15, Хауге 40, 62 / Омородион 8, Гуел 90)
Останатите девет натпревари од првото коло се закажани за четврток.
