Рома и Атлетик Билбао ги поделија бодовите во дербито на втората натпреварувачка вечер во новата сезона на Лигата на Европа, во која убедливо славеа Ајакс против Бешикташ и Тотенхем против Карабаг.
И фудбалерите на Фенербахче успешно стартуваа во новата сезона на Лига на Европа со победата против белгискиот Унион Сент Жилоа, иако гостите доминираа во воведниот дел од натпреварот.
Најдобрата шанса гостите ја имаа во 17. минута кога Фрањо Ивановиќ шутираше жестоко, а Ливаковиќ го одбрани ударот и топката потоа се одби во стативата.
Фенербахче поведе во 26. минута, кога дефанзивецот Сојунџу среќно и умешно реагираше за 1:0. Резултат со кој се замина на полувремето.
Во 73. минута гостите останаа со играч помалку по исклучувањето на Мекалистер, а само осум минути подоцна по ударот на Тадиќ, Бурџис ја смести топката во сопствената мрежа.
Во 92. минута дојде до нова пресметка меѓу Ливаковиќ и Ивановиќ, откако во судиското надополнување беше досуден пенал за гостите. Но и тогаш Ливаковиќ се покажа како мајстор за удари од белата точка и му одбрани удар на хрватскиот напаѓач.
Целата ситуација ја зовре домшниот фудбалер Осај-Самуел, кој заработи втор жолт картон.
Гостите, сепак, дадоапочесен гол, а стрелец беше Сајкс во 93. минута.
Фудбалерите на Ајакс убедливо славеа со 4:0 против Бешикташ.
По првото полувреме Ајакс имаше гол предност, благодарение на голот на Фиц-Џим во 31. минута. Во вториот дел, особено во воведниот дел, Холанѓаните одиграа фуриозно и целосно го дотолчија противникот. Два гола постигна Готс, во 51. и 73. минута, а еден Тејлор во 55. минута за 4:0.
Резултати од натпреварите од првото коло од Лига на Европа, одиграни на 26 септември
Фенербахче - У.С. Жилоаз 2:1 (Сојунџу 26, Бурџис 82-аг / Сајкс 90+3)
Малме - Ренџерс 0:2 (Бајрами 2, МекКоусленд 76)
Рома - Атлетик Билбао 1:1 (Довбик 32 / Паредес 85)
Ајакс - Бешикташ 4:0 (Фиц-Џим 31, Готс 51, 73 Тејлор 55)
ФЦСБ - Ригас ФС 4:1 (Бирлигеа 8, Стефанеску 32, Олару 58, 69 / Липушчек 23)
Лион - Олимпијакос 2:0 (Черки 65, Бенрахма 71)
Брага - Макаби Тел Авив 2:1 (Брума 88, 90+5-11м / Давида 30-11м)
Ајнтрахт - Викторија Плзен 3:3 (Екитике 38, Ебимбе 62, Кристенсен 67 / Шулц 41, Аду 86, Јемелка 90+3)
Тотенхем-Карабаг 3:0 (Џонсон 12, Матар Сар 52, Соланке 68)
Резултати од натпреварите од првото коло од Лига на Европа, одиграни на 25 септември
Динамо Киев - Лацио 0:3 (Дија 4, 35, Деле Баширу 33)
Митјиланд - Хофенхајм 1:1 (Осорио 42 / Моерштет 90)
Галатасарај - ПАОК 3:1 (Баба 48-аг, Акгун 75, Икарди 90+5 / Константелиас 67)
Лудогорец - Славија Прага 0:2 (Јурасек 37, Читил 65)
Манчестер Јунајтед - Твенте 1:1 (Ериксен 35 / Ламерс 68)
Ница - Реал Сосиедад 1:1 (Росарио 45 / Баренеткеа 18)
Андерлехт - Ференцварош 2:1 (Вершарен 60, Долберг 66-11м / Траоре 86)
АЗ Алкмар - Елфсборг 3:2 (Ван Бомел 44, 50, Парот 74-11 м / Оума 23, Хедлунд 53)
Бодо Глимт - Порто 3:2 (Хог 15, Хауге 40, 62 / Омородион 8, Гуел 90)
Останатите девет натпревари од првото коло се закажани за четврток.
