Во второто коло од Лигата на конференции на УЕФА, фудбалерите на Борац Бања Лука остварија голема победа кај АПОЕЛ во Никозија со 1:0, додека Целје на домашен терен убедливо со 5:1 го победи Башакшехир.
АПОЕЛ од самиот почеток ја презеде теренската иницијатива, но до 25. минута не создаде ниту една сериозна можност. Потоа Радосав Петровиќ по центаршут од слободен удар ја погоди мрежата на гостите од Бања Лука, но голот беше поништен по интервенцијата на ВАР. До крајот на првото полувреме домашните продолжија да доминираат на теренот, но не можеа да ја затресат мрежата на Борац.
Сличен однос на силите на теренот имаше и во продолжението, но претставникот на Босна и Херцеговина стана многу поопасен, а во 63. минута преку Стефан Савиќ дојде во водство.
Борац во 80. минута можеше да ја потврди победата, но Стојан Врањеш не се снајде најдобро кога истрча сам пред домашниот голман. Борац до крајот одолеа на нападите на АПОЕЛ и со тоа го оствари првиот триумф на гости во Конференциската лига.
Целје добро го започна натпреварот и веќе имаше водство по пет минути игра, а стрелец беше Тамар Светлин. Иако Башакшехир доминираше на теренот и имаше поголем посед, домашните беа многу поопасни. Тоа го потврдија во 30. минута кога преку Иван Брниќ поведоа со 2:0. Одличната игра на домаќините во првото полувреме ја заокружи Свит Сеслар со гол за 3:0 во 34. минута.
Целје продолжи во ист ритам и во вториот дел од играта, а во 51. минута Армандас Кучис зголеми на 4:0. Поразот на Башакшехир во 75. минута го ублажи Димитриос Пеикас. Сепак, само две минути подоцна Целје постигна уште еден гол, а стрелец повторно беше Кучис.
Фудбалерите на ТСЦ вечерва беа поразени во Бачка Топола од Варшава Легија со резултат 0:3 (0:1), во второто коло од Лига на конференциите. ТСЦ е на 32. место на ЛК табелата без бодови, во следното коло го пречекува Лугано.
Младиот хрватски фудбалски репрезентативец Дион Дрена Бељо постигна гол за победа на виенски Рапид, кој во четвртокот пред своите гледачи со минимален резултат 1:0 го совлада ерменскиот Ноа.
Рапид со две победи го започна натпреварувањето во ЛК и е во група од шест екипи кои по два одиграни натпревари имаат шест бода.
Предводени се од лондонски Челзи, кој победи со убедливи 4:1 на гостувањето кај Панатинаикос. Два гола постигна Жоао Феликс (22, 55), а по еден Мудрик (49) и Нкунку (59-11м).
За атинскиот тим единствен стрелец беше Факундо Пелистри (69).
Резултати од натпреварите од 2. коло на ЛК 24.10.2024
Викингур - Серкл Бриж 3:1 (Сигурпалсон 17, Ѓуриќ 76, Ватнамар 83 / Олаигбе 16)
АПОЕЛ - Борац (БЛ) 0:1 (Савиќ 63)
Целје - Башакшехир 5:1 (Светлин 5, Брниќ 30, Сеслар 34, Кучис 51, 77 / Пелкас 75)
Џургарден - Виторија Г. 1:2 (Стенсон 62 / Ману 58, Сантос 79)
Гент - Молде 2:1 (Фадига 24, Браун 90+6 / Даели 78)
Хартс - Омонија 2:0 (Форест 16, Спитал 23)
Јагелонија - Петроклуб 2:0 (Пулулу 69, 72)
Ларн - Шамрок Роверс 1:4 (Галагер 48 / Барнс 3, Кени 24, Косгроув 30-аг, Бурк 54)
Панатинаикос - Челзи 1:4 (Пелистри 69 / Ј. Феликс 22, 55, Мудрик 49, Нкунку 59-11 м.)
Рапид - Ноа 1:0 (Белјо 31)
Сент Гален - Фиорентина 2:4 (Мамбимби 23, Гортлер 62 / Мартинез 50, Иконе 54, 70, Госенс 90+4)
Бетис - Копенхаген 1:1 (Езалзули 8 / Дикс 77-11 м.)
ХЈК - Динамо Минск 1:0 (Молер 46)
Млада Болеслав - Лугано 0:1 (Штефен 38)
Олимпија - ЛАСК 2:0 (Бланко 14, Швајцер 80)
Пафос - Хајденхајм 0:1 (Маинка 25)
Њу Сејнтс - Астана 2:0 (Холден 40, Мекманус 78-11м)
Бачка Топола - Легија 0:3 (Капустка 11, Лукињас 47, Чојна 6)
