Во седиштето на Меѓународната фудбалска федерација (ФИФА) во Цирих беше одржана ждрепката за европските квалификации за Светското првенство, кое ќе се одржи во САД, Канада и Мексико од 11 јуни до 19 јули 2026 година .
Македонската фудбалска репрезентација ќе игра во групата Ј со Белгија, Велс, Казахстан и Лихтенштајн.
Квалификациите ќе се играат од март до ноември 2025 година.
Инаку, во половина од групите, дури во март ќе се знаат точните имиња на сите учесници затоа што се чекаат исходите од плејофот во елитната Лига на нации, каде што играат осумте најсилни во Европа.
Во европските квалификации за СП ќе учествуваат 54 репрезентации, додека Русија е суспендирана, а ќе бидат поделени 16 визи.
Европските квалификации се играат во 12 групи. Во шест групи ќе има четири репрезентации, а во другите шест пет селекции.
Дванаесет победници на европските квалификациски групи директно ќе се квалификуваат за СП, а 12 второпласирани репрезентации и четворица победници на групи од Лигата на нации, кои не се пласираа директно или за второто место во својата група, ќе обезбедат дополнителни квалификации кои ќе дадат четири повеќе патници за Мундијалот.
Тој „плеј-оф“ ќе се состои од четири „патеки“ со по четири репрезентации, кои полуфиналето и финалето ќе ги играат во март 2026 година.
Тоа ќе биде прво Светско првенство со дури 48 репрезентации наместо досегашните 32.
Мундијалот ќе се игра во вкупно 16 градови - 11 американски (Сиетл, Сан Франциско, Лос Анџелес, Канзас Сити, Далас, Хјустон, Атланта, Бостон, Њујорк Сити, Филаделфија, Мајами), три мексикански (Гвадалахара, Монтереј, Мексико Сити) и два канадски (Ванкувер, Торонто).
Отворањето на СП е на 11 јуни 2026 година на Естадио Азтека во Мексико Сити, додека финалето е на 19 јули на Метлајф стадионот во Њујорк.
ГРУПА А: победник Германија/Италија, Словачка, Северна Ирска, Луксембург
ГРУПА Б: Швајцарија, Шведска, Словенија, Косово
ГРУПА Ц: поразен Данска/Португалија, Грција, Шкотска, Белорусија
ГРУПА Д: победник Франција/Хрватска, Украина, Исланд, Азербејџан
ГРУПА Е: победник Шпанија/Холандија, Туркије, Грузија, Бугарија
ГРУПА Ф: победник Португалија/Данска, Унгарија, Р. Ирска, Ерменија
ГРУПА Г: поразен Шпанија/Холандија, Полска, Финска, Литванија, Малта
ГРУПА Х: Австрија, Романија, БиХ, Грчка администрација Јужен Кипар, Сан Марино
ГРУПА И: поразен Германија/Италија, Норвешка, Израел, Естонија, Молдавија
ГРУПА Ј: Белгија, Велс, МАКЕДОНИЈА, Казахстан, Лихтенштајн
ГРУПА К: Англија, Србија, Албанија, Летонија, Андора
ГРУПА Л: поразен Франција/Хрватска, Чешка, Црна Гора, Фарски Острови, Гибралтар
