Српскиот тенисер Новак Ѓоковиќ со победата против Аргентинецот Франциско Серундоло (6:1, 5:7, 3:6, 7:5, 6:3) стана тенисер со најмногу победи на Грен слем турнирите.
Со синоќешната победа над Серундола во осминафиналето на Ролан Гарос, најдобриот светски тенисер ја постигна рекордната 370-та победа на Грен слем турнирите.
Така зад себе го остави Роџер Федерер кој има 369 победи, Рафаел Надал е трет на вечната листа со 314, Џими Конорс е на четвртото место со 233, додека Андре Агаси е петти со 224 победи на четирите најголеми тениски турнири.
Ѓоковиќ има и најмногу освоени Грен слем турнири (25).
Српскиот тенисер Новак Ѓоковиќ во четвртфиналето на Ролан Гарос ќе игра против Норвежанецот Каспер Руд, кој во осминафиналето го совлада Американецот Тејлор Фриц со 7:6 (8:6), 3:6, 6:4, 6:2.
Ѓоковиќ и Руд така ќе се сретнат во реприза на минатогодишното финале, кога најдобриот светски тенисер победи со 3:0.
Сепак, светскиот рекет број еден по мечот со Серундола изјави дека не е сигурен дали ќе може да игра во четвртфиналниот меч в среда поради повреда на десното колено, која ја заработи во рекордната победа.
