Бодо/Глимт, ФЦСБ, Рома, АЗ Алкмар, Реал Сосиедад, Фенербахче, Викторија Плзен и Ајакс се пласираа во осминафиналето на Лига на Европа.
Фудбалерите на Фенербахче обезбедија пласман во осминафиналето на Лигата на Европа на УЕФА, откако ја одбранија предноста од 3:0 во првиот натпревар од плеј-офот со ремито 2:2 на гостувањето кај Андерлехт во Белгија.
Фенербахче поведе во 4. минута откако Јусеф ен Несири постигна гол по асистенција на капитенот Един Џеко. Поради тепачка на трибините на Лото Парк во Брисел, судијата накратко го прекина натпреварот.
Во продолжението на мечот домашните преку Васкез во 19. и 55. минута дојде до водство, но надежите на домаќините брзо падна во вода со голот на Акчичек во 66. Минута за конечни 2:2.
Бодо/Глимт и Твенте одиграа луд натпревар со седум гола(5:2), од кои три автоголови.
Домаќините бараа ран гол по поразот од 2:1 во првиот натпревар, но реваншот не одеше по желба на Норвежаните. Притискаа, имаа голема иницијатива, но во 26. минута Сјоволд си постигна автогол и го доведе својот тим во тешка позиција. Хог им ја врати надежта на домаќините со гол од пенал, а потоа беа постигнати три гола во судиското надополнување.
Во 92. и 96. минута, Бодо/Глимт направи целосен пресврт, по што Штајн постигна гол во 96. минута за 3:2 и да го одведе натпреварот во продолжение.
Во продолженијата домаќините постигнаа уште два гола, од кои еден автогол и се пласираа во осминафиналето.
ФЦСБ веќе направи половина работа на гостувањето кај ПАОК, од кој се врати со победа од 2:1, а вратата од осминафиналето во Лига Европа ја отвори ширум откако Цисоти постигна гол во Букурешт по половина час игра. Голот на Микулеску кон крајот на натпреварот го потврди пласманот на романскиот тим во следната рунда.
АЗ Алкмар го реши прашањето за пласман во осминафиналето со победата од 4:1 во првиот меч, а сите надежи на Галатасарај за чудесен пресврт исчезнаа во 42. минута по голот на Маикума. Касиус потоа погоди во 55. минута за водство на гостите од 0:2, а дури тогаш турскиот тим одигра нешто и на крајот избегна пораз во европското збогување. Осимхен, а набргу потоа и Салаи го заклучија конечниот резултат на 2:2.
По ремито 1:1 на Драгао, во Рим се беше отворено. Посебно откако Порто поведе во 27. минута со голот на Агехова. Сепак, одговорот на Рома беше брз. За четири минути, помеѓу 35 и 39, Пауло Дибала погоди два пати. Ова беа неговите први европски голови оваа сезона. Ситуацијата за Рома стана уште подобра откако Порто остана со играч помалку на теренотот штом започна вториот дел. Евстакио доби црвен картон во 52. минута и ја сведе победата на својот тим на теорија. Голот на Писили во 83. минута ја „уби“ секоја неизвесност околу пласманот на Рома во следната рунда.
Реал Сосиедад беше убедлив во реваншот против Митјиланд (5:2). На Викторија Плзен и беа потребни десет минути да ја надополни негативата од првиот натпревар (0:1), а потоа да направи пресврт против Ференцварош. Во периодот од 28. и 38. минута трипати погодија против унгарскиот тим и таа предност ја одржуваа до крајот.
Ајакс постигна гол во 93. минута за 1:2 во продолжетокот, откако Унион Сент Жилоа во регуларниот дел даде два гола и го неутрелизираше поразот на домашен терен.
Сепак, тоа не беше доволно за пласман во следната фаза.
Во осминафиналето на Лига на конференции се пласираа Борац, Бетис, Копенхаген, Пафос, Целје, Јагелонија, Панатинаикос и Молде.
Борац Бања Лука успеа да ја сочува својата мрежа на гостувањето против Олимпија во Љубљана, што му овозможи на претставникот на БиХ да ја зачува гол предноста од првиот натпревар и да се пласира во осминафиналето на Лигата на конференции.
Словенечкиот тим промаши пенал во 7. минута, а неуспешен стрелец беше Шпанецот Алехандро Бланко, чиј удар го одбрани голманот на Борац, Манојловиќ.
Литванскиот судија Лукјанчукас го продолжи натпреварот за 18 минути во вториот дел, бидејќи натпреварот мораше да биде прекинат поради навивачки судир на трибините на стадионот Стожице, за што беше потребна интервенција на полицијата.
Тимот во осминафиналето ќе игра против Рапид Виена или Фиорентина.
Во кипарската пресметка меѓу Пафос и Омонија домаќинот го доби реваншот со 2:1 и се пласираше во осминафиналето со вкупни 3:2. Можни противници на Пафос во осминафиналето се швајцарски Лугано и шведски Џургарденс.
Фудбалерите на Гент го совладаа Бетис со 0:1 на гостувањето во Севиља, сепак, шпанскиот претставник обезбеди пласман во осминафиналето, бидејќи во Белгија победи со 0:3.
Бетис за противник би можел да го добие Челзи или Виторија Гимараеш.
Копенхаген во првиот меч пред своја публика беше поразен со 2:1 од германскиот тим Хајденхајм, но данскиот тим ја надополни таа негатива во реваншот.
Головите на Чиаха (37) и Дикс (53-11м) му донесоа водство на Копенхаген, но Скиенца (74) го донесе Хајденхајм во продолжение. Мексиканецот Родриго Хуескас ја искористи грешката на домашната одбрана во 114. минута и го постигна решавачкиот гол за да го испрати Копенхаген во осминафиналето.
Данскиот тим може да се соочи со лондонски Челзи или португалска Виторија Гимараеш како нивни противници во оваа фаза од натпреварувањето.
Фудбалерите на ТСЦ не успеаја да се пласираат во осминафиналето бидејќи вечерва во реваншот беа поразени на гостински терен од Јагелонија со 3:1.
Во првиот натпревар полскиот шампион победи со 1:3 во Бачка Топола.
Потенцијални противници на Јагелонија се Легија или Серкл Бриж.
Фудбалерите на Молде го победија Шамрок на пенали,откако регуларниот дел од мечот заврши 0:1 за Швеѓаните, со што се реваншираа за поразот на домашен терен.
Во пенал серијата Молде погоди пет пати, а Шамрок четири пати.
