Во петокот во Нион беше извршена ждрепката за првото коло од нокаут фазата од Лигата на шампионите оваа сезона, а најинтересен натпревар секако ќе биде помеѓу последните два победници во ова натпреварување, англискиот и шпанскиот првак Манчестер Сити и РеалМадрид.
Бидејќи Сити ја заврши лигашката фаза од натпреварувањето на 22. место, а Реал на 11. место, постоеше голема веројатност дека ждрепката ќе ги спои, бидејќи однапред беше утврдено дека секој клуб има два можни противници во оваа фаза од натпреварувањето.
Така, Сити за противник можеше да го има или 11-от Реал или 12-от Баерн, додека Реал заедно со Сити како можен противник го имаше само Селтик, кој е на 21. место.
На крајот, во тој дел од ждрепката, барем на хартија, најдобар резултат постигна германскиот шампион Баерн, кој ќе игра против Селтик.
Сити ја освои својата прва европска титула во 2023 година, додека Реал ја освои 15-та титула во мај минатата година.
Останатите нокаут натпревари од првото коло се:
Клуб Бриж - Аталанта,
Спортинг - Борусија Дортмунд,
Јувентус - ПСВ,
Феенорд - Милан,
Брест - ПСЖ и
Монако - Бенфика.
Првите натпревари ќе се играат на 11 и 12 февруари, а реваншите на 18 и 19 февруари.
Победниците ќе им се придружат на Ливерпул, Барселона, Арсенал, Интер, Атлетико Мадрид, Баер Леверкузен, Лил и Астон Вила во осминафиналето.
Ждрепката за осминафиналните двојки ќе се изврши на 21 февруари.
