Италијанскиот тенисер Јаник Синер се пласираше во полуфиналето на Австралија опен, откако денеска во четвртфиналето во Мелбурн го совлада Австралиецот Алекс де Минор со 6:3, 6:2, 6:1.
Натпреварот траеше еден час и 48 минути. Синер е најдобриот тенисер во светот, додека Де Минор е на осмото место на АТП листата.
Откако ги надмина физичките проблеми во неговиот осминафинален меч за да го победи Холгер Рун во четири сета, 23-годишниот Италијанец се разбуди целосно фит во средата и повторно беше немилосрден против 25-годишниот Алекс де Австралиец, чии соништа за првата победа над Синер и пласман во првото полуфинале на Гренд слем турнирите беа брзо распрснати.
Тоа беше десетта победа на Синер во исто толку натпревари со Де Минаур, а Австралиецот успеа да освои само еден сет во претходните девет.
Во десеттиот освои само шест гема.
Синер, кој ја брани титулата на Австралија опен, во полуфиналето ќе игра против Американецот Бен Шелтон.
Американскиот тенисер претходно денеска во четвртфиналето го совлада Италијанецот Лоренцо Сонего со 6:4, 7:5, 4:6, 7:6 (7:4).
Во второто полуфинале на првиот грен слем турнир во сезоната ќе се сретнат Србинот Новак Ѓоковиќ и Германецот Александар Зверев.
Полуфиналните натпревари се закажани за петок.
