И вчера беше бурно на фудбалските терените низ Европа во квалификациите за Европското првенство 2024 во Германија, а големи победи забележаа Србија, Англија и Словенија.
Дербито на вечерта се одигра во Лондон, каде Англија по втор пат во квалификациите ја победи Италија, селекцијата од која загуби во финалето на ЕУРО 2021 година на Вембли. Со победата против Италија домаќините обезбеди пласман на шампионатот во Германија.
„Азурите“ поведоа со голот на Џанлука Скамака во 15. минута, но Хари Кејн израмни во 32. од пенал. Пресвртот го донесе Маркус Рашфорд во 57. минута, за Кејн 20 минути подоцна да стави точка на натпреварот.
Англија има 16 бода по шест одиграни натпревари и теоретски го обезбеди првото место во групата Ц, а Украина и Италија решаваат за второто.
По победата во Малта (3:1), Украинците имаат 13 бода, три повеќе од „аѕурите“, но и меч повеќе. Доколку Италија победи против Северна Македонија на 17 ноември дома, три дена подоцна ќе и биде доволен бод против Украина во Леверкузен, бидејќи на домашен терен победија со 2:1.
Најважниот натпревар на црногорската репрезентација во последната деценија беше изгубен за само четири минути, кога Србија дојде до конечни 3:1 со головите на Александар Митровиќ во 73. минута и Душан Тадиќ во 77. минута.
Во првото полувреме беа видени две мајстории на Александар Митровиќ во 9. минута и Стеван Јоветиќ во 36. минута.
По вториот пораз од Унгарија во тековните квалификации за ЕП, репрезентацијата на Србија вчера мораше да се спасува во Белград во соседското дерби со Црна Гора. Србија сега има пет бода повеќе и еден одигран натпревар повеќе од Црна Гора и е на само чекор до потврда на пласманот на ЕП.
Во Литванија, Унгарија се врати од негатива од два гола и со 2:2 го задржа водството во групата Г со бод повеќе и натпревар помалку од Србија.
Црногорските фудбалери сѐ уште имаат теоретски шанси за пласман на ЕП, но би требало да се случи нереален исход - Црна Гора да ја победи Литванија дома, а Унгарија на гости, а Србија да загуби од Бугарија во Лесковац.
Фудбалската репрезентација на Словенија ја продолжи одличната серија во квалификациите за Европското првенство со победата од 0:1 на гостувањето во Белфаст против Северна Ирска.
Адам Гнезда Черин постигна гол во петтата минута од натпреварот од осмото коло од групата Х на стадионот Виндзор Парк за нивна трета последователна победа.
Во истата група важна победа оствари и репрезентацијата на Казахстан на гостувањето во Хелсинки против Финска со резултат 2:1.
Со победата Казахстанците скокнаа на третото место на табелата, а второпласираната Данска потешко од очекувањата славеше на гостувањето во Сан Марино со 2:1. Со овој епилог Словенија на две кола до крајот е прва во групата со 19 бодови, изедначена со Данска.
Казахстан има четири бода помалку, а во последното коло гостува на Словенија.
