Холандскиот фудбалски стручњак Ерик тен Хаг ја напушти функцијата тренер на англискиот премиерлигаш Манчестер Јунајтед.
Ерик беше назначен за менаџер на „црвените ѓаволи“ во април 2022 година и на 128 натпревари, забележа 72 победи, 20 ремија и 36 порази.
Го предводеше клубот до два домашни трофеи, освојувајќи го Купот Карабао во 2023 година и ФА Купот во 2024 година.
„Благодарни сме на Ерик за се што направи во текот на времето поминато со нас и му посакуваме многу среќа во иднина“, се наведува во соопштението на официјалниот сајт на клубот.
Руд ван Нистелрој ќе ја преземе функцијата привремен селектор, поддржан од сегашниот стручен штаб, додека не биде назначен постојан селектор.
TRT Balkan / агенции
