Европската фудбалска унија (УЕФА) одлучи прекинатиот натпревар од петтото коло од групата Ц2 на Лигата на нации меѓу Романија и Косово да го регистрира со службен резултат 3:0 за Романија.
УЕФА објави дека Косово е одговорно за прекинот на натпреварот и ѝ додели победа на Романија.
Натпреварот меѓу Романија и Косово се играше на 15 ноември во Букурешт, а беше прекинат во судиското продолжение 90+5. минути при резултат 0:0.
Тогаш фудбалерите на Косова го напуштија теренот бидејќи навивачите на Романија од трибините скандираа „Србија, Србија“ и „Косово е Србија“.
УЕФА го казни косовскиот Фудбалскиот сојуз со 6.000 евра поради недолично однесување на фудбалерите на натпреварот против Романија.
Романската фудбалска федерација, пак, е казнета со 128.000 евра поради повеќе обвинувања, вклучително и едно за дискриминаторско и несоодветно однесување на тимот.
УЕФА одлучи и следниот домашен меч Романија да го игра пред празни трибини, поради ксенофобични антиунгарски скандирања.
Романија го освои првото место во групата Ц2 со 18 бодови и се пласираше во дивизијата Б од Лигата на нации, а Косово заврши на второто место со 12 бодови па ќе игра во бараж за пласман во Лига Б.
