Електронските цигари повторно се на удар. Откако претходно станаа нелегални во повеќе земји, тие се цел на критика и во Австралија.
Во оваа земја вајповите кои содржат хемикалија која предизвикува зависност треба да се продаваат во аптеки само со рецепт. Но сепак законот. ова слабо се спроведува во пракса. Австралискиот министер за здравство Марк Батлер минатиот вторник изјави дека ќе наметне строга примена на законот.
„Електронските цигари не се продаваа како рекреативен производ, а особено не се продаваше за нашите деца. Но, тоа е она што стана најголемата дупка, мислам, во историјата на австралиската здравствена заштита“, изјави Батлер.
Експертски тим во Англија во 2015 година излезе со став дека цигарите на пареа навистина се побезбедни од класичните цигари, но противниците укажуваат на фактот дека овој поздрав аспект во споредба со пушењето предизвикува непушачите да внесуваат големи дози на никотин.
Епидемијата на белодробни болести од нерегулираната продажба на цигари на пареа во 2019-2020 предизвика 168 смртни случаи во 27 американски држави.
Строги прописи во Азија
Во Тајланд има најстроги прописи со кои се забранети цигарите на пареа од 2014 година.
Туристите кои ја посетуваат земјата се соочуваат со затворска казна од 10 години ако користат електронски цигари, или големи казни кои се движат околу 1.000 долари.
И другите азиски земји имаат строги регулативи.
Сингапур не дозволува внесување на електронски цигари во земјата, додека Бутан и Туркменистан наметнуваат казни.
Катар, како и Тајланд, ги забрани овие цигари во 2014 година, а на оние кои ги користат им се заканува затворска казна од три месеци или парична казна од речиси 2.500 долари.
Во Туркије не е незаконски да се користат, но сепак е нелегално да се купуваат. Исто така, во Иран, продажбата или дистрибуцијата на електронски цигари е нелегална.
Јапонија беше еден од пионерите на забраната за цигарите со пареа уште во 2010 година, иако не постои регулатива за електронски цигари без никотин.
Индија воведе забрана за продажба и производство во 2019 година.
Додека Јужна Кореја силно ги оданочува електронските цигари, таа сепак дозволува продажба и производство додека употребата на тинејџерите останува проблем во земјата.
Од друга страна, европските земји не се толку строги. Електронските цигари отворено се продаваат во многу европски земји.
Белгија, Обединетото Кралство и Естонија дозволуваат цигари на пареа до одредени нивоа, додека четири скандинавски земји - Данска, Шведска, Норвешка и Финска - и покрај тоа што дозволуваат продажба, строго го регулираат пушењето цигари со пареа, вклучително и забраната за рекламирање на е-цигари.
Забрани во Бразил и Аргентина
Во Бразил и Аргентина, целосно е забрането користењето цигари на пареа, вклучувајќи продажба, производство, увоз и рекламирање на е-цигари.
Во Канада и САД ситуацијата е нејасна. Додека е-цигарите се во голема мера нерегулирани во Канада, имаше напори да се наметнат ограничувања. Во Канада, локалните регулативи се разликуваат. Во САД државите и градовите имаат свои правила во однос на цигарите на пареа.
Во обид да се спречи користењето кај тинејџерите американската агенција за храна и лекови нареди стопирање на продажбата на производи за испарување со слатки и овошни вкусови. Сепак, ароматизираните е-цигари насочени кон младите сè уште се продаваат во САД поради некои дупки во законот.
Со се поголемата популарност на цигарите на пареа глобалните регулативи стануваат неизбежни особено со цел заштита на тинејџерите.
