Во разорниот земјотрес со интензитет од 7 степени според Рихтеровата скала што го потресе Мароко, животот го загубија најмалку 1.037 лица.
Американскиот геолошки институт соопшти дека епицентарот на земјотресот, кој се случил во 23:10 часот по локално време, бил на 75 километри југоисточно од Маракеш, на длабочина од 18,5 километри.
Според мароканското Министерство за внатрешни работи, најмалку 1.037 лица загинаа, а 721 се повредени во силниот земјотрес.
Смртни случаи во земјотресот со јачина од 7 степени според Рихтеровата скала се регистрирани во неколку региони, меѓу кои и провинциите Ал Хауз и Маракеш, како и во градовите Азилал, Уарзазате, Тарудант и Чичау.
Ова е најсилниот земјотрес што ја погодил оваа северноафриканска земја во последните 100 години, објави Националниот институт за геофизика во Мароко.
Ситуацијата е особено тешка во регионот на Маракеш, каде што се урнаа бројни згради, а голем број луѓе живеат под урнатините.
Земјотресот бил почувствуван и во соседните земји Алжир и Мавританија.
Спасувачките екипи ги пребаруваат урнатините во потрага по преживеани.
На социјалните мрежи луѓето објавуваат фотографии од сограѓани кои лежат на улица по земјотресот, како и од моментот на уривање на зградите.
