Со поставувањето на „безбедносен коридор“ долж нејзините јужни граници, Тукије успешно се брани од ширење тероризам и насилство, рече денеска турскиот претседател Реџеп Таип Ердоган на изборниот митинг во Ширнак, долж јужната граница на Туркије со Ирак, пред локалните избори на 31 март.
„Целосно го спречуваме ширењето на пожарот околу нас кон Туркије со воспоставување безбедносен коридор долж нашите јужни граници“, порача Ердоган.
Тој, исто така, истакна дека Туркије поставува бариери меѓу себе и терористичките групи кои сакаат да ја вклучат во конфликтот, а истовремено се дистанцира и од империјалистите и од нивните марионети, очигледно мислејќи на терористичките ПКК и ЈПГ/ПКК и земјите што Туркије ги обвинува за поддршка на терористички групи долж нејзините граници со Ирак и Сирија.
„Сепаратистичко-терористичката организација е алатка наметната на нашата земја за овековечување на тиранијата насочена кон воспоставување на еднопартиски фашизам во овие земји“, додаде тој.
Во својата повеќе од 35-годишна терористичка кампања против Туркије, ПКК која е ставена на листата на терористички организации од Туркије, САД и Европската унија е одговорна за смртта на над 40.000 луѓе, вклучувајќи жени, деца и доенчиња. ЈПГ е нејзин сириски огранок.
