Интернет гигантот во апликацијата Календар повеќе нема да ги обележува оспорените општествени „празници“ кои ја слават различноста, како што е месецот на гордоста, месецот на историјата на црнците, и месецот на историјата на жените во САД.
Оваа одлука доаѓа непосредно по промените на новоизбраниот претседател Доналд Трамп за укинување на програмите за разноличност, еднаквост и инклузија, за кои новата американска администрација смета дека се товар за компаниите и создаваат непотребни идентитетски потреби, наместо меритократија.
Календарот на компанијата ги означуваше тие денови на почетокот на февруари, март и јуни, но тие се отсутни во 2025 година.
Портпаролот на Гугл рече дека на промените се работи со месеци.
„Пред неколку години, тимот на апликацијата Календар започна рачно да додава поширок сет на културни моменти во голем број земји низ светот“, рече портпаролот.
„Добивме повратни информации дека недостасуваат некои други настани и земји - и одржувањето на стотици моменти рачно и постојано на глобално ниво не беше скалабилно или одржливо“, додаде портпаролот.
